6. Umhverfið
|
6. Umhverfið
|
|
|
Umhverfisskynjun
Viðfangsefni: Umhverfið við Laxá. Aldur: Miðstig. Námsgreinar: Náttúrufræði, lífsleikni og myndmennt. Tími: um 15-20 mínútur á vettvangi og síðan einn tími í eftirvinnu.
Mynd: Augu Markmið Að nemendur: - læri á og kynnist umhverfi sínu - öðlist umhyggju fyrir umhverfinu - læri að við skynjum og túlkum umhverfið á mismunandi hátt - geti túlkað niðurstöður sínar á myndrænan og skriflegan hátt. Stutt verkefnalýsing Nemendur skynja umhverfið með hlustun og lýsa því. Kennslugögn Vinnublöð, skriffæri og myndavél. Framkvæmd / vinna Forvinna (undirbúningur / kveikja):Umræður um heyrn og sjón og hve heppin við erum að hafa þessi skynfæri. Hvernig lýsum við því sem við heyrum og sjáum. Á vettvangi: Þegar nemendur koma á stöðina er þeim bent á hve umhverfi árinnar er fallegt og þau hvött til að taka að lágmarki tvær myndir af umhverfinu, eina nærmynd og eina fjærmynd. Benda þeim á Laxárvirkjun og Grenjaðarstað ásamt aðra bæi sem sjást. Benda þeim einnig á gróðurinn. Síðan setjast nemendur niður og gera verkefnið (sjá nemendablað). Eftirvinna (úrvinnsla / ígrundun): Þegar heim er komið bera hóparnir saman niðurstöður sínar og gera sameiginlegt súlurit yfir það sem heyrðist. Myndirnar eru prentaðar út og útbúið veggspjald með umhverfislýsingu við Laxá í myndum og orðum. Eins má láta þau mála saman umhverfið á stórt blað og hengja upp á vegg. Námsmat Fylgjast með krökkunum á vettvangi og meta úrvinnslu í vinnubók. Verkefni
|
|
|
2007 © Sigrún Þórólfsdóttir |
