Hönnun og smíði

Heim

Kennsluskrá

Fjarnám

Kennarar

Sýning

Vefgátt

Krækjur

Námsferð

Leit 
 

    

 

 
   

 

 

 

 

 

   

Smíðar er 30 eininga valgrein sem hentar bæði vel þeim nemendum er vilja takast á við smíðakennslu í grunnskóla, og er jafnframt góður undirbúningur undir frekari nám á sviði lista, handverks eða kennslu.
Ekki er krafist neins undirbúnings af nemendum. Nemendur sem útskrifast úr smíðavali Khí öðlast jafnframt réttindi sem bóknámskennarar. Í öllum verklegum þáttum námsins hafa nemar verulegt frelsi til ákvarðana um einstök viðfangsefni, form og efnisval.

Í eftirfarandi töflu má sjá vægi námskeiða og skiptingu þeirra á misseri.
Hönnun og smíði í Kennaraháskóla Íslands 
  3. misseri 2000 (8 einingar)
 *21.48.31-206 Hönnun og smíði tréhluta I              
 *21.48.32-206 Silfursmíði I                                     
 *21.48.34-206 Fríhendisteikn og hönnunarsaga    
 21.48.36-206 Teikning og hönnunarsaga
 
2 einingar
2 einingar
2 einingar
2 einingar
  4. misseri 2001 (6 einingar)
 21.48.41-010 Hönnun og smíði tréhluta II             
*21.48.44-010 Kennslufræði nýsk og smíða           
*21.48.42-010 Silfursmíði II og plastvinna           
 
2 einingar
1 eining
2 einingar
  5 misseri 2000 (5 einingar)
 20.48.51-996 Hönnun og smíði tréhluta III               
 20.48.64-200 Silfursmíði III og glervinna                  
 20.48.54-966 Kennslufræði hönnunar og smíða     
 
2 einingar
2 einingar
2 einingar
  6 misseri 2001 (6 einingar)
  21.48.41-010 Hönnun og smíði tréhluta IV              
*20.48.62-010 Rafknúin þroskaleikföng                  
*20.48.64-200 Nýbreytni í hönnun og smíði             
 
2 einingar
2 einingar
2 einingar
                                        
 3. misseri 2000 (8 einingar)
 
*21.48.31-206 Hönnun og smíði tréhluta I (2e)
Tími: 3. misseri.
Umsjón: Benóný Eiríksson.
Markmið og viðfangsefni: Nemar hljóti þekkingu á og þjálfun í smíði tréhluta sem þeir útfæra sjálfir. Áhersla er lögð á nytjahluti og þroskaleikföng. Nemar læri undirstöðuatriði í hönnun og efnisfræði. Verkfæra- og tækjafræði fellur inn í þá verkþætti sem fengist er við hverju sinni. Nemar teikna að eigin vali og hanna smíðisgripi sína út frá mismunandi forsendum. Farið verður í ýmsa þekkingarþætti er varða smíðagreinina eins og yfirborðsmeðferð viðar, brýningar, lím og samlímingar, efnisfræði, festingar og samsetningar.
Vinnulag: Verkleg þjálfun er undirstaða námsins en að öðru leyti fer kennsla fram í fyrirlestrum, umræðu- og leiðsögutímum. 80% sóknarskylda.
Námsmat: Einkunn fyrir smíðisgripi og verkefnalýsingar.
 
*21.48.32-206 Silfursmíði I (2 e)
Tími: 3. misseri.
Umsjón: Gísli Þorsteinsson lektor.
Markmið og viðfangsefni: Nemar hanna og smíða einfalda skartgripi og nytjahluti. Stefnt er að því að nemar nái tökum á grunnverkþáttum silfursmíðinnar s.s. sögun, þjölun, hömrun, kúbun, póleringu, tin- og silfurkveikingum, sýruætingu og litun málma. Efnisfræði málma er gerð sérstök skil.
Vinnulag: Fyrirlestrar, umræður og verkefnavinna.
Námsmat: Verkefni metin til einkunnar.
 
*20.48.34.976 Fríhendisteikning (1e)
Tími: 3. misseri.
Umsjón: Gísli Þorsteinsson lektor.
Viðfangsefni: Kenndar verða fríhendisteikniaðferðir eins og réttvörpun, skávörpun, ísómetría, sneiðingar, samsetningarmyndir og málsetningar. Ennfremur verður lögð áhersla á að nemar geti nýtt sér fríhendisteikningu við hugmyndavinnu á skipulegan hátt. Fjallað verður um fagurfræðilega uppbyggingu hluta og undirstöðuatriði í formhönnun. Nemar reyna nokkra þróunarferla hugmynda þar sem áhersla er á líkanagerð.
Vinnulag: Fyrirlestrar, leiðsögutímar, heimaverkefni og verklegar æfingar.
Námsmat: Verkefni metin til einkunnar.
 
21.48.36-206 Samlistir (3e)
Tími: 3. misseri.
Umsjón: N.N.
Viðfangsefni: Sameiginlegt námskeið list- og verkgreina með áherslu á þætti úr verkmenningarsögu íslendinga, listkennslu, mismunandi sköpunarferla, og verklega verkefnavinnu þar sem unnið er í hópum innan mismunandi sviða list- og verkgreina. Áhersla er lögð á mat nemenda á eigin vinnu, kynningu verkefna og umræður.
Vinnulag: Fyrirlestrar, leiðsögutímar, heimaverkefni og verklegar æfingar.
Námsmat: Verkefni metin til einkunnar.
 
4. misseri 2001 (6 einingar)
 
21.48.41-10 Hönnun og smíði tréhluta II 2 einingar
Tími: 4. misseri.
Umsjón: Benóný Eiríksson.
Markmið og viðfangsefni: Unnið er m.a. með þætti er tengjast gömlu handverki, s.s. trafaöskjugerð, útskurð og trérennismíði. Áhersla er lögð á frekari þjálfun í beitingu handverkfæra og vélanotkun. Nemar útfæra smíðisgripi sína að eigin vali og smekk. Farið verður í ýmsa þekkingarþætti smíðagreinarinnar eins og yfirborðsmeðferð viðar, brýningar, lím og samlímingar, efnisfræði, festingar og samsetningar.
Vinnulag: Verkleg þjálfun er undirstaða námsins en að öðru leyti fer kennsla fram í fyrirlestrum, umræðu- og leiðsögutímum. 80% sóknarskylda.
Námsmat: Einkunn fyrir smíðisgripi og verkefnalýsingar.
 
*20.48.36.996 Kennslufræði nýsköpunar og smíða (1e)
Tími: 4. misseri.
Umsjón: Gísli Þorsteinsson lektor.
Viðfangsefni: Markmið smíðakennslu eru tekin til umfjöllunar ásamt fagnámskrá. Nemar fá þjálfun í að semja kennsluáætlanir og smíða kennsluverkefnadæmi sem miðuð eru við ákveðna verkþætti, aldur og þroska barna. Fjallað um aðrar kennslustefnur í verkgreinum, sögu þeirra sem skólagreina og gerð sérstök grein fyrir kennslufræði nýsköpunarnáms í grunnskóla sem byggir á eigin hugmyndum nemandans.
Vinnulag: Nemar gera kennsluáætlanir sem innihalda markmið, vinnubrögð og tímaáætlanir. Nemar gera sýnishorn af kennsluverkefnum fyrir yngri bekki grunnskólans, fara í eina vettvangsferð og sitja fyrirlestra um ýmis kennslufræðileg efni valgreinarinnar.
Námsmat: Ritgerð og verkefni metin til einkunnar.
 
20.48.64-200 Silfursmíði II og plastvinna (2e)
Tími: 4. misseri
Umsjón: Gísli Þorsteinsson lektor.
Viðfangsefni: Í málmsmíði II er lögð áhersla á fínsmíði og listræna þáttinn í útfærslu verkefna. Nemar læra aðferðir eins og að byggja utan um steina (fatningasmíð), cicileringu og tengingu málma og annarra efna eins og akrílplasts ofl. Verkefni eru einkum skartgripir, nytjahlutir, skúlptúrar og lágmyndir. Nemar fara í sjálfstæðar vettvangsferðir og safna hugmyndum að hönnunarverkefnum. Kenndar verða aðferðir við mótun akrílplasts.
Vinnulag: Fyrirlestrar, umræður og verkefnavinna.
Námsmat: Verkefni eru metin til einkunnar.
 
5 misseri 2000 (5 einingar)
 
20.48.51-996 Hönnun og smíði tréhluta III (2e)
Tími: 5. misseri.
Umsjón: Benóný Eiríksson.
Markmið og viðfangsefni: Á námskeiðinu er unnið að gerð nytjahluta úr tré er tengjast daglegu lífi fólks. Enn fremur er unnið að gerð kennsluverkefna fyrir unglingastig grunnskólans tengt vettvangsnámi á 5 misseri. Nemendur fá frekari þjálfun í notkun trérennibekks.
Vinnulag: Verkleg þjálfun er undirstaða námsins en að öðru leyti fer kennsla fram í fyrirlestrum, umræðu- og leiðsögutímum. 80% sóknarskylda.
Námsmat: Einkunn fyrir smíðisgripi og verkefnalýsingar.
 
21.48.42-010 Silfursmíði III og glervinna (2e)
Tími: 5. misseri.
Umsjón: Gísli Þorsteinsson lektor.
Viðfangsefni: Sérstök áhersla er lögð á málmsmíðaverkefni sem nýtast nemum í kennslu ásamt nýjum viðfangsefnum eins og vinnu með vír og teina, blikksmíði, smelti og einfalda járnsmíði þar sem notast er við hlífðargassuðu. Helstu viðfangsefni eru nytjahlutir með listrænum áherslum. Enn fremur verða nemendum kynntar aðferðir við að skera, slípa og setja saman nytjahluti úr gleri.
Vinnulag: Fyrirlestrar, sýnikennsla og verkefnavinna. Vinnubók sem inniheldur lýsingar á aðferðum ásamt tillögum að verkefnum.
Námsmat: Verkefni metin til einkunnar.
 
20.48.54-966 Kennslufræði hönnunar og smíða (1e)
Tími: 5. misseri.
Umsjón: NN.
Viðfangsefni: Æfingakennsla 6. misseris er undirbúin með verkefnavali, verkefnatilraunum og gerð kennsluverkefna. Sérstök áhersla er lögð á vinnu með eldri börnum í grunnskóla. Nemar gera kennsluáætlanir þar sem gerð er grein fyrir markmiðum, vinnubrögðum og tímaáætlunum. Nemar fara í eina vettvangsferð og sitja fyrirlestra um ýmis kennslufræðileg efni valgreinarinnar.
Námsmat: Ritgerð og/eða verkefni metin til einkunnar.
 
6 misseri 2001 (6 einingar)
 
20.48.55.200 Hönnun og smíði tréhluta IV (2e)
Tími: 6. misseri.
Umsjón: Benóný Eiríksson.
Markmið og viðfangsefni: Á námskeiðinu er áfram unnið að gerð nytjahluta úr tré. Sérstök áhersla er lögð á listræna útfærslu verkefna. Nemendur smíða eitt verkefni sem er talsvert margbrotnara en fyrri verkefni og inniheldur fleiri verkþætti. Nemendur fá frekari þjálfun í notkun trérennibekks.
Vinnulag: Verkleg þjálfun er undirstaða námsins en að öðru leyti fer kennsla fram í fyrirlestrum, umræðu- og leiðsögutímum. 80% sóknarskylda.
Námsmat: Einkunn fyrir smíðisgripi og verkefnalýsingar.
 
*20.48.62.980 Rafknúin þroskaleikföng 2 einingar
Tími: 6. misseri.
Umsjón: Gísli Þorsteinsson lektor.
Markmið og viðfangsefni: Sérstök áhersla er lögð á þessu námskeiði á þroskaleikföng þar sem útfærslan byggir á samspili forms og notagildis hlutarins. Nemendur smíða nokkur einföld verkefni er byggja á hagnýtingu rafmagns og læra að sogforma hitadeigt plast sem þátt í mótun verkefna. Skoðaðir eru möguleikar á hagnýtingu þessarar þekkingar í smíðavinnu með börnum í grunnskóla.
Vinnulag: Fyrirlestrar, sýnikennsla ásamt verklegum og skriflegum æfingum.
Námsmat: Verkefni metin til einkunnar.
 
*20.48.63.980 Nýbreytni í hönnun og smíði (2e)
Tími: 6. misseri:
Umsjón: Gísli Þorsteinsson lektor.
Viðfangsefni: Farið í gegnum ýmsa nýbreytniþætti í hönnunar- og smíðakennslu eins og vinnu með ýmis óhefðbundin og óalgeng efni í smíðakennslu, mótagerð og fjöldaframleiðslu eigin hönnunar með notkun steinsteypu eða flotleirs. Vinna með horn og bein kynnt og verkefni unnið ef tími leyfir.
Farið í efnisfræði og grunnvinnuaðferðir kenndar í gegnum verkefnavinnu ásamt tækjasmíði.
Vinnulag: Fyrirlestrar, sýnikennsla og verkefnavinna.
Námsmat: Verkefni metin til einkunnar.