17.2.03

 

Vefleiðangrar

Að safna og nota og uppbreyta gögnum - í anda hugsmíðahyggju og lausnaleitanáms

Hér er sýnidæmi um vefleiðangur um súkkulaði.

Við höfum áður farið í verkefni fyrir nemendur sem tengjast því að þeir eiga að safna saman ýmsum upplýsingum á Netinu. Svoleiðis verkefni eru t.d. vefrallý. Við viljum hins vegar oft búa til verkefni sem ganga lengra en aðeins að safna saman gögnum - við viljum að nemendur vinni að verkefnum þar sem þeir viða að sér nýrri þekkingu og nota hana til að búa til eitthvað, skapa eitthvað eða leysa vandamál. Við erum ekki að leita eftir því að nemendur geti tileinkað sér þekkingaratriði til að geta þulið þau upp heldur að reyna að þjálfa nemandann í bæði að safna og nota upplýsingar við eitthvað verðugt viðfangsefni.

Hér er aðalatriðið að það sé eitthvað verkefni, eitthvað vandamál sem þarf að leysa. Það er líka kjarninn í lausnaleitanámi. og í anda hugsmíðahyggju. . Við búum til vefleiðangur þar sem fókusinn er á verkefnið - hvað á að koma út úr vinnu nemenda - hvernig eiga þeir að nota það sem þeir hafa lært.

Vefleiðangur er staðlað form af verkefnum þar sem við byrjum á segja hvert viðfangsefnið , hvað á að koma út úr verkefninu og í hvaða hlutverki nemandinn er. Við komum með tillögu um vinnulag (ferli) og gefum upp vefslóðir þar sem nemandinn á að leita fyrir sér og segjum honum hvernig verkefnið verður tekið út.

Íslenskir vefleiðangrar

Frá því að ég kynnti fyrst vefleiðangra á námskeiði í Kennaraháskólanum í byrjun árs 1998 hafa fjölmargir kennarar búið til svona verkefni og margir kennt öðrum kennurum að búa þessi verkefni til. Vefleiðangrar falla líka vel að nýrri námskrá í upplýsinga- og tæknimennt. Nemendur sem voru á Nám og kennsla í Netinu árið 2002 gerðu líka allir vefleiðangra og þú sérð þá á skilasíðu fyrir 2002 á skilasíðu 2001ásamt öðrum verkefnum þeirra. Sum þeirra bjuggu til vefleiðangur við kennsluefni sem þau höfðu líka búið til.
Hér eru líka vísun í vefleiðangra hjá Láru, flestir gerðir af kennurum MA.
Vefleiðangrar hjá BarnUng eru um barnabækur og barnabókahöfunda. Ég hef tekið saman banka yfir vefleiðangra sem nemendur mínir í KHÍ hafa gert á námskeiðum hjá mér en oft vill það brenna við að nemendur hætta og heimasíðusvæði er lokað og þá glatast verkefnin.Skoðaðu verkefnabankann en athugaðu að sumar krækjur virka ekki.

Að búa til vefleiðangur - Tilbúin snið.

Við skulum gera ráð fyrir að þú hafir tilbúna hugmynd um vefleiðangur og hafir safnað saman slóðum sem nemendur eiga að vinna með. Það er þá auðvelt að setja vefleiðangurinn inn á vefsíðu. Þú getur gert það alveg frá byrjun eða notað þér að það eru til nokkur tilbúin form sem þú getur slegið upplýsingar inn í.
Ef þú vilt nota svona tilbúið form (þú getur breytt um litu í töflunni eða reitum í henni, sett inn bakgrunna og myndir) þá skaltu hafa það á skjánum og velja File>Save as og vista það en athugaðu að breyta SAVE AS TYPE í Web Page, HTML only annars virka nefnilega innbyrðis tengingarnar ekki rétt. Vistaðu vefleiðangurinn undir einhverju nafni (ekki nota séríslenska stafi) á sama svæði og þú geymir Dreamweaver vefsíður. Svo skaltu þurrka út textann og skrifa þinn texta í staðinn, setja tengingu í myndir og bakgrunna ef því vilt. Vista síðan aftur og flytja yfir á vefsvæðið. Auðvelt, ekki satt?

Þessi form eru frá mér:
vefleidangur1.htm
vefleidangur2.htm
vefleidangur3.htm

Frá Torfa er þetta form
Skrifað af Salvor Varanleg slóð

12.2.03

 

Vefleiðangrar

h4>Vefleiðangrar - Byggingarsteinar

Það eru þessir fimm byggingarsteinar í vefleiðangri:

Skoðaðu þennan vef Byggjum upp vefleiðangur sem Þórunn Óskarsdóttir hefur íslenskað.

Skoðaðu þessa Glærukynningu um vefleiðangra eftir Salvöru Gissurardóttur.

Að safna og nota og uppbreyta gögnum - í anda hugsmíðahyggju og lausnaleitanáms

Við höfum áður farið í verkefni fyrir nemendur sem tengjast því að þeir eiga að safna saman ýmsum upplýsingum á Netinu. Svoleiðis verkefni eru t.d. vefrallý. Við viljum hins vegar oft búa til verkefni sem ganga lengra en aðeins að safna saman gögnum - við viljum að nemendur vinni að verkefnum þar sem þeir viða að sér nýrri þekkingu og nota hana til að búa til eitthvað, skapa eitthvað eða leysa vandamál. Við erum ekki að leita eftir því að nemendur geti tileinkað sér þekkingaratriði til að geta þulið þau upp heldur að reyna að þjálfa nemandann í bæði að safna og nota upplýsingar við eitthvað verðugt viðfangsefni.

Hér er aðalatriðið að það sé eitthvað verkefni, eitthvað vandamál sem þarf að leysa. Það er líka kjarninn í lausnaleitanámi. og í anda hugsmíðahyggju. . Við búum til vefleiðangur þar sem fókusinn er á verkefnið - hvað á að koma út úr vinnu nemenda - hvernig eiga þeir að nota það sem þeir hafa lært.

Vefleiðangur er staðlað form af verkefnum þar sem við byrjum á segja hvert viðfangsefnið , hvað á að koma út úr verkefninu og í hvaða hlutverki nemandinn er. Við komum með tillögu um vinnulag (ferli) og gefum upp vefslóðir þar sem nemandinn á að leita fyrir sér og segjum honum hvernig verkefnið verður tekið út.

Erlent efni um vefleiðangra

Þjálfunarefni fyrir kennara til að búa til vefleiðangur

Það er til urmull af efni á ensku um vefleiðangra (webquests) og best er að nálgast það á The Webquest Page.. Þar eru bæði margir tilbúnir vefleiðangrar og svo ýmis konar kennsluefni og hjálparefni fyrir kennara sem vilja búa til vefleiðangur. Skoðaðu þjálfunarefnið um vefleiðanga.
Spáðu í hvaða gerð af verkefni (task) nemandi á að leysa og hve hlutverk hans getur verið mismunandi. Hér er góð skýringarmynd af hvernig verkefni eru flokkuð. Nemandinn getur verið í hlutverki vísindamanns, blaðamanns, ræðumanns, hönnuðar o.s.frv.

Þú getur líka sjálf(ur) æft þig á að fara í gegnum einn vefleiðangur sem nemandi, það er einmitt til vefleiðangur sem kennig og kynnig vefleiðangra Webquest about webquest.
Þú getur líka skoðað mjög marga vefleiðangra á ensku fyrir öll skólastig.
Skrifað af Salvor Varanleg slóð

 

Vefrallý er einföld gerð af vefverkefnum fyrir nemendur og er góð til að þjálfa nemendur í að safna kunnáttuatriðum. Vefrallý er eins og að setja spurningakeppni á vefinn og í staðinn fyrir að þátttakendur treysti á eigið minni þá mega þeir vera á vefnum og leita að svörum og sá vinnur sem finnur upplýsingarnar á sem skemmstum tíma. Við getum skipulagt þetta á ýmsan hátt eins og spurningakeppnir t.d. látið nemendurna vera í liðum eða hópum. Nemendur gætu átt að svara spurningum með einu orði eða setningu eða viða að sér annars konar þekkingu t.d. finna og hlaða niður kortum, myndum, eyðublöðum, finna og nota vefverkfæri, afrita og líma inn texta eða hvaðeina sem lýtur að því að SAFNA UPPLÝSINGUM og vera fljótur að leita. Sem sagt, þá gengur vefrallý út að finna þekkingaratriði og vera fljótur að því. Svona verkefni getur verið sniðugt sem kynning á nýju efni eða kynning á einhverjum nýjum vef og umfangsmiklum vef eða sem þjálfun í að leita að efni á vefnum.

Stundum erum við að æfa nemendur í að leita að þekkingu á Netinu og vera snöggir að því. Þá er upplagt að búa til vefrallý, bara safn af spurningum sem nemendur eiga að svara og það á sem skemmstum tíma. Við látum þá fá nokkrar vefslóðir (getur þess vegna bara verið ein) og svo spurningalista. Þetta hentar líka ágætlega í hópvinnu, þá geta nemendurnir æft sig í að skipta með sér verkum. Þetta er því eins konar spurningakeppni með tímaverði - Allt gengur út á að vera fljótur. Þetta geta verið sundurlausar spurningar sitt úr hvorri áttinni og ýmis smáatriði en þetta geta líka verið safn af spurningum sem við höfum sérstaklega valið til að byrja að kynna nemendum okkar eitthvað nýtt efni, tökum sem dæmi að við ætlum að taka fyrir hvali í kennslunni og byrjum með vefrallý um háhyrninga eins og í dæminu hér á eftir.

Það er frekar auðvelt og fljótlegt fyrir kennara að semja vefrallý og nemendum virðast finnast svona verkefni mjög skemmtileg.
Sýnishorn
Vefrallý um Umhverfisvef Reykjavíkur.
Vefrallý um fisheries.is eða upplýsingaveitu sjávarútvegsins.

Þú getur búið til vefrallý og sett á vefsíðu eins og þú vilt. Ég hef sett upp tilbúið skema sem þú getur stuðst við ef þér finnst það betra og nokkra borða til að æfa að setja myndir inn á vefsíður.

Kynning - Dæmi um vefrallý
Við ætlum að skoða háhyrninga ! og vera fljót að því!
Verkefnið
Notaðu krækjurnars til að svara 15 spurningum um háhyrninga. Þessar spurningar og svörin varða byrjunin á því að við ætlum að kynnast hvölum og lífríki sjávarins....

• Myndir Jóns Hlíðbergs af hvölum


• Hvalavefurinn RUV
  
• Hvalir - Musa


• Vísindavefurinn um hvali


• Háhyrningur


• Íslandsvefurinn -spendýr


• Hvalir og menn


• Keikó (á ensku)


• Keikó(námsefni á ensku)

Ábendingar af á að nota t.d. í að skrifa ritgerð. (þetta þarf ekki ef vefrallý á að vera bara keppni og ekki á að vinna neitt meira með þá þekkingu sem nemandinn safnar)
Æfðu þig í að svörin séu heilar setningar. Það er góð æfing ef þú seinna ætlar að setaj í skýrslu eða ritgerð.
Mundu að skrá hjá þér heimildir, á hvaða vef fannstu svarið?
Ef þú finnur eitthvað áhugavert á einhverjum undirvef mundu eftir að safna slóðinni (setja í favorite eða bookmakr)
Reyndu að setja það sem þú finnur upp á myndrænan hátt.
Lestu fyrst gegnum allar spurningarnar.
.

Skrifað af Salvor Varanleg slóð

 
Nokkrar gerðir verkefna á vef

Hér hefst vefannáll um inntakið á vefsíðum þ.e. sjálft námsefnið og kennslufræðilega framsetningu þess. Ég ætla að byrja með að taka nokkur dæmi. Þessi dæmi eru
1) Vefrallý - dæmi um nemendaverkefni á vefsíðu
2) Vefleiðangur - dæmi um nemendaverkefni á vefsíðu
3) Tæknisaga - dæmi um frásögn
4) Persónulegur vefur - dæmi um "digital portfolio"
5) Kennsluvefur - dæmi um framsetningu námsefnis á vef.
Skrifað af Salvor Varanleg slóð